ബൈനോക്കുലര്‍ കാഴ്ച

തൊട്ടുമുന്നില്‍ വെച്ച
ഒരു കണ്ണാടിയിലെന്ന പോലെ
കാണാം

ചിലന്തിവലകളിലോടുങ്ങുന്ന
പുളച്ചിലുകള്‍ക്കിടയിലൂടെ
കണ്ണടച്ച് ഊളിയിട്ട്

വിശന്നു വീണവരുടെ
ജഡങ്ങള്‍ക്കരികിലൂടെ
ഭയന്ന് വിറച്ച്

ചെങ്കുത്തായ മലയുടെ
താഴ്വാരത്തില്‍ വെച്ച്
പിറുപിറുത്തുകൊണ്ട്
യാത്രയുടെ ഗതി മാറ്റി

കടല്‍പ്പാലത്തിന്റെയറ്റത്ത്‌
കുറച്ചു നേരം നിന്ന്
തിരിച്ചിഴഞ്ഞ്

തിയേറ്റര്‍ ചുമരിലെ
മുറുക്കിത്തുപ്പിയ വന്കരകള്‍ കടക്കാന്‍
ഒരുറുമ്പ്
പരിശ്രമിക്കുന്നത്.

2 comments:

  1. ചില കാഴ്ചകള്‍ ഇങ്ങനെ ഭീകരമാണ് നല്ല ത്രെഡ്

    ReplyDelete

നിങ്ങള്‍ എന്ത് പറയുന്നു എന്നറിയാന്‍ താല്പര്യമുണ്ട്